h1

Byna ‘n jaar gelede

Mei 16, 2011

het ek die eerste blog van Rosalind Franklin gesluit

http://rosalindfranklin.wordpress.com/

ek het haar nou weer oopgestel , miskien omdat ons ‘n lang pad geloop nie. Dinge waaroor ek voel, het nie verander nie. Hoewel baie gebeur nie.

h1

Jy soek snaaks

Februarie 23, 2011

Op my eerste blog was daar baie, baie snaakse soekterme, maar die ene het nou ookal ‘n paar baie snaakse woorde opgelewer.

Die ene tickle my: leserskring 666 – ek glo die die leserskring het enige 666 boeke nie, en as hulle het, sal dit alles oor sonde en vuur gaan.

Iemand soek ‘n varswater barber resep. Jammer, ek kook nooit in my hele lewe kos nie. Ek maak soms toast en seker twee keer per jaar ‘n eier. Ek skil nie visse nie – nooit nie. Sal ook nie.

Sieners – iemand soek vreeslik na sieners. Jong daar was op ‘n tyd ‘n Johannes ou wat glo die wereld einding binnekort – miskien moet jy hom soek. Hulle sien dalk dinge.

Haar panty onder haar rok – jong ek dra nie eintlik rokke nie. Weer verkeerd.

Jug se moer – probeer:  jig se moer

Konferensie-organiseerder – nee ek kook eerder kos voor ek ‘n konferensie moet organiseer – ek hol weg sonder skoene.

Die goed bly snaaks. Vertel bietjie van julle soekterme

h1

Om te speel

Februarie 18, 2011

Op ‘n dag, baie jare gelede, was daar ‘n kind in die hospitaal wat gruwelik vermink was. Eintlik kan ek nie aan julle beskryf hoe dit kind se gesig gelyk het nie, want julle sal my nie glo nie.

Dit was so erg dat sy ouma, wat hom grootgemaak het, hom maar uit die skool gehaal het, omdat die ander kinders hom te veel geboelie het. Die kind het agter in hulle hut in die donkerste hoekie weggekruip, doer in die bosse van die platteland. Na jare het hy uiteindelik by die regte hospitaal uitgekom, danksy ‘n swart sakeman van die omgewing.

En so kry die kind drastiese rekonstruktiewe chirurgie. Maar hy is bang, verward en sosiaal heeltemal wanaangepas weens jare se isolasie. Hy koes skoon as mens naby hom kom en hy kan net Xhosa praat.

Maar die ergste van alles is, die kind kan nie speel nie. Hy weet nie hoe nie. Ek besluit toe die kind moet speelgoed kry en hoekom kry ons nie ‘n cartoon-karakter om dit vir hom te gee nie. En ek spoor ‘n hond op – een wat Xhosa kan praat.

Hy het eers bietjie vir die hond geskrik, amper begin huil,  totdat die hond Xhosa begin praat het en hom gewys het om te speel met die nuwe speelgoed. Karretjies, inkleur, seepbelle blaas en lag.

Maar ek dink nou aan hom, hy is vandag al ‘n groot man, want Charms http://vanwaarjykyk.wordpress.com/ praat daar by haar oor hoe oud mense is en voel.

Mens raak oud as jy nie meer speel nie, as jy dink net ‘n kind moet ‘n seepbel blaas of met speelgoed speel.

Speel is die fontein van jeug

h1

God is toe nie dood nie

Februarie 7, 2011

Al die tyd wat ek so dink, en daar vertel ons eie president vir my toe god leef in die ANC!

En as ek nie ‘n ANC-kaartjie het nie, dan sal ek nie hemel toe gaan nie, maar na ‘n ander warm plek. Seker die woestyn.

Dis nie vir my godslasterlike nie, dis eerder vir my so reusagtig arrogant. Verbeel jou! Maar moenie so gou op jou perdjie spring en die ANC veroordeel net omdat jy hulle nie steun nie, daar is baie ander mense wat geloof en die hemel ook gebruik om hulle idees aan mense af te smeer. Zuma doen maar net wat die hele wêreld doen – net meer taktloos en sonder subtiele woorde.

Mense se Egipte skree vir vryheid – die hele kwessie daar gaan soos in die res van die Midde-Ooste ook om geloof.

Ek het nie ‘n ANC-kaartjie nie, ook nie enige ander politieke kaartjie nie, ek wonder wat gaan nou met my gebeur? Ek sal seker alleen in die Maya’s se tempel agterbly einde 2012.

Koppel geloof (enige geloof) aan die staat en regering en ons is terug in die donker eeue. Nee dankie

Wonder wat sou my gunsteling denker – Friedrich Nietzsche – oor Zuma se pittighede gesê het?

“At times one remains faithful to a cause only because its opponents do not cease to be insipid. “
Friedrich Nietzsche
German philosopher (1844 – 1900)
h1

Die B&B ontrafel

Januarie 20, 2011

Mense wat B&B’s besit is eintlik vreksuining – dink ek. Hulle het op ‘n dag gesit en kyk na hulle 3-slaapkamerhuis en besluit:  As ons in elke kamer se ingeboude kas ‘n bad inbou, dan is dit mos ‘n en-suite badkamer!

En as ons by Makro die goedkoopste mikrogolfoond en ses borde koop is dit ‘n self catering unit.

Dan gee ons vir die mense ‘n ontbyt wat R15 kos en vra R800 per nag! Ja Mammie! Dit is ‘n plan. Dan neem ons foto’s wat ons kook, adverteer dit, (laat dit lyk soos Sun City) en ons word ryk.

En met die dat Dollie nou uit die huis is, sal ons ook lekker met die mens kan gesels. Want daai kak TV in hulle kamer vang in elk geval net SABC1 se sokker op.

Mense wat B&B’s besit is ‘n klomp ingat, suinige bliksems wat om elke hoek en draai probeer spaar het. As jy die kas oopmaak werk die TV nie, die geyser is so laag gestel jy kan net elke tweede dag bad, die matras is by die Chinese afslagwinkel gekoop en die jirre bewaar jou die antie het R10 spandeer op die non smoking sign.

Dit is hoekom ek nooit in hulle bly nie. Boonop wil die mense altyd goed by jou weet. They overstay their welcome in the crap room.

Probleem is mense bespreek baie keer vir my en dan het ek nie ‘n keuse nie. Soos die ou oom wat net nie sy ry uit my kamer kon ry in JHB  nie. En ek wil poep. Ek hou die ene al in van die vliegtuig af.

Toe hy uiteintlik loop toe laat los ek…. en toe ek omdraai, hoe staan dit ou man weer! Hy wou net gou weer wys waar is more-oggend se droe muffins is.

Self catering is net so erg. Daar is altyd ‘n deur wat vassit, daar is nie regtig DStv nie, een of ander dronkie het die botteloopmaker opgefok, en die glase is kak.

En iewers ruik ‘n matras of kussing soos iemand se ou balle.

“Ja, die deur wil nie lekker toe nie, mens moet hom maar so stampie gee”. Wat? Nee die deur moet reg wees, vir die prys.

Daarom bly ek in die hotel – sodat die staf my nie vrae mag vra nie, behalwe wat hulle vir my kan bring om my lewe lekkerder te maak.

h1

Vertigo

Januarie 7, 2011

Ek het vandag vertigo gekry van woede by die werk – moes die apteek laat weet hulle moet maar die pille opstuur.

Nee, na al die jare se probeer van:  “”let it go”, “sien dit van wie dit kom”, “onthou wat jy nou al oor jouself geleer het”, “haal asem en tel tot tien”, “dink voor jy reageer en praat”, “moenie dat dit jou so ontstel nie” – niks van daai het gewerk nie. Fokkol, ek het nie eers aan dit gedink nie.

Dit was ‘n aanval van die amigdala mense – woep. En dit het goed vir twee ure aanhou – die intense woede.

Dit is omdat ek ‘n perfeksionis is, en ek dit verpes as mense my vir ‘n blerrie fool probeer vat. My kop spin nog steeds.

Dankie tog ek is bietjie af.

Groete

h1

Ek wil nog die jaar leer

Januarie 3, 2011

So ‘n paar dinge wat ek die jaar wil (leer) om te doen:

Ek wil definitief leer om te vlieg, ek wou dit nog altyd doen. Vandat ek klein is – nie in ‘n vliegtuig nie, maar op my eie. Soos ‘n vlêrmuis of engel. Soms sien ek vreemde vere of die grond lê, ek wonder wie s’n is dit?

Om op water te loop – ek gaan op die bure se swembad begin oefen. Met ‘n wit, deurskynende rok aan – ek dink dan sal dit makliker gaan. Eers net kort ente – so drie meter dalk.

Tegnieke aanleer om voetgangers te manipuleer. Eintlik net die wat vorentoe loop, maar agtertoe kyk. Ek dink hulle lei aan ‘n motoriese vertraagdheid, en ek dink hulle word meer.

Intussen het ek besluit om dieremishandelaars te martel gaan nie die probleem oplos nie (hoewel dit op sadistiese vlak vir ‘n tyd lank lekker kan wees). Hulle moet voor geboorte geaborteer word sodat ons hulle uit die genepoel kan selekteer.

Ek het besluit om van vanjaar af  ‘n animis-ateïs te wees. Ek dink ek is lankal een, dit het net ‘n naam gekry. Dus, sal ek en ‘n paar diere oor die water loop.

Follow

Get every new post delivered to your Inbox.

%d bloggers like this: